Rusiyanın Lipetsk vilayəti ərazisində 13 yaşlı məktəbli küçədə tapdığı partlayıcı qurğunun detonasiyası nəticəsində ağır xəsarətlər alıb.

 

7News.Az Rusiya mətbuatına istinadən xəbər verir ki, qız küçədə naməlum əşya taparaq onu evə gətirib. Daha sonra yeniyetmə əşyanın təhlükəsizlik halqasını çıxarmağa cəhd edib. Bu zaman mexanizm işə düşərək partlayış baş verib.

Hadisə nəticəsində məktəbli sol əlindən ağır xəsarət alıb, həmçinin yuxarı və aşağı ətraflarında çoxsaylı yanıq yaraları yaranıb.

Yerli səhiyyə qurumunun məlumatına görə, qız təcili olaraq xəstəxanaya çatdırılıb və reanimasiya şöbəsinə yerləşdirilib. Həkimlər hazırda onun əlini xilas etmək üçün mübarizə aparırlar.

Hadisə ilə bağlı araşdırma aparılır.