7News.az xəbər verir ki, İran İslam İnqilabı Keşikçiləri Korpusunun (İİKK) sözçüsü dünən bəyan edib ki, ABŞ İran iqtisadiyyatını blokadaya almaq və ölkənin ticarət yollarını bağlamaq məqsədlərinə nail ola bilməyəcək. İİKK sözçüsü Hüseyn Möhebbi ABŞ ordusu tərəfindən yaradılmış "Dəmir Qapı" (Iron Gate) işçi qrupuna münasibət bildirib. Bu təşəbbüs qabaqcıl silah sistemlərinin və sanksiya tətbiq olunmuş digər malların İranın quru sərhədləri və Xəzər dənizi vasitəsilə ölkəyə daxil olmasının qarşısını almaq, həmçinin Tehrana qarşı təzyiqləri artırmaq məqsədi daşıyır. "Dəmir Qapı" planı sadəcə söz oyunundan başqa bir şey deyil", - deyə Möhebbi bildirib. "Amerikalılar bu üsulla İranda iqtisadi çöküşə səbəb olmaq və ya iqtisadi təzyiqləri uğurla həyata keçirmək hədəflərinə çata bilməyəcəklər".