Türkiyənin Ankara şəhərinin Keçiörən rayonunda yerləşən yaşayış binasında partlayış baş verib.

7News.Az Türkiyə mətbuatına istinadən xəbər verir ki, üçmərtəbəli binada baş verən  partlayış nəticəsində iki nəfər ölüb, dörd nəfər isə yaralanıb.

Ölən şəxslərin ata və onun azyaşlı qızı olduğu bildirilir.

Partlayışın qaz sıxışması nəticəsində baş verdiyi bildirilir. Hadisə nəticəsində binanın bir hissəsi dağılıb.