İmtahanda xarici dil və fəlsəfə fənlərindən qəbul imtahanlarında məqbul

qiymət alan 3 iddiaçı iştirak edib. Ali Attestasiya Komissiyasının tövsiyəsi

əsasında Mərkəzin alimləri tərəfindən hazırlanmış imtahan biletlərini

çəkərək suallara hazırlaşan iddiaçılar İmtahan Komissiyası qarşısında

sualları cavablandırıb, həmçinin Komissiya üzvlərinin əlavə suallarına

cavab veriblər. Şəffaf və səmimi atmosferdə keçən imtahanda iddiaçıların

cavabları Komissiya üzvlərini qane edib, yüksək qiymət alan hər 3

iddiaçı Aqrar Tədqiqatlar Mərkəzinin doktoranturasına qəbul olunmuş hesab

edilib.

Cavablar və onların qiymətləndirilməsi protokollaşdırılıb, Komissiya üzvləri

tərəfindən imzalanıb.

Həmçinin, Mərkəzdə Elmlər doktoru proqramı üzrə doktorantura təhsili

üçün 2 nəfər, fəlsəfə doktoru hazırlığı üzrə dissertantura təhsili üçün 4

nəfər müsahibədə iştirak edib. İddiaçılar Komissiya qarşısında özləri haqda

qısa məlumat verib, ixtisas üzrə apardıqları tədqiqat işləri barədə

təqdimatla çıxış ediblər. Komissiya tədqiqat işlərinə və sahəyə aid

sualları cavablandıran iddiaçıların bilik və hazırlıq səviyyələrini məqbul

hesab edib. Bununla da elmlər doktoru adına iddiaçı olan 2 nəfər, fəlsəfə

doktoru adına iddiaçı olan 4 nəfər doktorantura və dissertanturaya qəbul

olunub.

Komissiya sədri və üzvləri doktorant və dissertantları əldə etdikləri nailiyyət

münasibətilə təbrik edib, gələcək elmi fəaliyyətlərində uğurlar arzulayıblar.

Qeyd edək ki, şəffaflığın təmin olunması məqsədilə Mərkəzin direktorunun

təşəbbüsü ilə müsahibənin gedişi "Facebook” sosial şəbəkəsində canlı

yayımlanıb. İmtahanın gedişi zamanı çəkilən videonu və fotoları təqdim edirik: