Bakıda bu gecə klublarının sahibinin məhkəməsi başlayır - İranlı şərikini girov götürüb

Bakıda bu gecə klublarının sahibinin məhkəməsi başlayır - İranlı şərikini girov götürüb
Bakıda qanunsuz azadlıqdan məhrum etmə və vergidən yayınmada təqsirləndirilən gecə klubunun sahibi Dilsuz Dəmirçiyevin cinayət işi üzrə ibtidai istintaq başa çatıb.

Unikal.org xəbər verir ki, Səbail Rayon Prokurorluğunda araşdırılan iş baxılması üçün Səbail Rayon Məhkəməsinə göndərilib.

Cinayət işi hakim Azər Tağıyevin icraatına verilib.

Canayət işində 53 zərərçəkmiş var. 

D.Dəmirçiyevin barəsində qanunsuz azadlıqdan məhrum etmə və vergidən yayınma maddələri ilə ittiham irəli sürülüb. Həmçinin Azərbaycan Vergilər Nazirliyi zərəçəkmiş qismində tanınır.

Qeyd edək ki, rəsmi məlumata əsasən, ötən il mayın 14-də paytaxtın Nərimanov rayonu ərazisində fəaliyyət göstərən "Ellips” gecə klubunun sahibi Dilsuz Dəmirçiyevin şəriki R.Vakilini qanunsuz azadlıqdan məhrum etməsi və döyərək az ağır bədən xəsarəti yetirməsinə şübhələr olduğundan faktla əlaqədar Bakı şəhər prokurorluğunda cinayət işi başlanıb.

İş üzrə hadisənin şahidləri müəyyənləşdirilərək dindirilib, müvafiq ekspertiza təyin edilib və zəruri istintaq hərəkətləri aparılıb.

D.Dəmirçiyev iş üzrə təqsirləndirilən şəxs qismində cəlb olunaraq ona Cinayət Məcəlləsinin 127.1 (qəsdən sağlamlığa az ağır zərər vurma) və 145.2.5-ci (qanunsuz azadlıqdan məhrum etmə, zərərçəkmiş şəxsin həyatı və ya sağlamlığı üçün təhlükəli olan zor tətbiq etməklə törədildikdə) maddələri ilə ittiham elan edilməklə məhkəmənin qərarı ilə barəsində həbs qətimkan tədbiri seçilib.

Xatırladaq ki, "Ellips”, "Otto”, "Süfrə”, "Status” "Malibu” adlı məşhur gecə klublarının sahibi olan D.Dəmirçiyev "klublar kralı” adı ilə tanınır.
 
 

7News.Az

Xəbər lenti