7News.az xəbər verir ki, ABŞ-da üç övladını öldürən Lindsay Klansinin məhkəmə prosesində müdafiə tərəfi onun cinayətləri doğuşdan sonrakı psixoz səbəbindən törətdiyini iddia edib, ittiham tərəfi isə hadisənin əvvəlcədən planlaşdırıldığını bildirib. Üç övladını öldürdüyünü etiraf edən Klansi təqsirli bilindiyi təqdirdə, məcburi ömürlük həbs cəzası ilə üzləşəcək. Məhkəmə, təqsirləndirilən şəxsin hadisə zamanı cinayət məsuliyyətini istisna edəcək dərəcədə ağır psixi xəstəlikdən əziyyət çəkib-çəkmədiyini qiymətləndirəcək.