RU
lombard
11:21
388

"Dövlət Gömrük Komitəsinə 40000-50000 manata işə düzəldə biləcəyini dedi" — ŞOK FAKTLAR

Azərbaycanda dələduzluq etməkdə təqsirli bilinən Tovuz rayon sakini, 1963-cü il təvəllüdlü Akif Quliyevin cinayət işi üzrə məhkəmə prosesi başa çatıb.


Demokrat.az-ın əldə etdiyi məlumata görə, Akif Quliyev tamah niyyətilə etibardan sui-istifadə etmə və aldatma yolu ilə özgənin əmlakını ələ keçirmək məqsədi ilə Babək Əliyevi Dövlət Gömrük Komitəsinə 40000-50000 manat pul müqabilində bir ay müddətində işə düzəldəcəyini yalandan vəd verib.


O, aldatma yolu ilə Babək Əliyevdən 28 oktyabr 2017-ci il tarixdə Bakı şəhəri Yasamal rayonu Alatava adlanan ərazidə 5000 manat, həmin ilin noyabr ayının əvvəllərində isə Xırdalan şəhəri Heydər Əliyev prospektində yerləşən "Qəbələ” yeməkxanasında 5000 manatı alıb.


Akif Quliyev bu hərəkətləri ilə Babək Əliyevə ümumilikdə 10000 manat məbləğində olan xeyli miqdarda maddi ziyan vurmaqla dələduzluq edib.


Istintaq orqanı tərəfindən Akif Quliyevin barəsində Cinayət Məcəlləsinin 178.2.4-cü (xeyli miqdarda ziyan vurmaqla dələduzluq törətmək) maddəsi ilə ittiham elan edilib.


Cinayət işi üzrə təqsirləndirilən şəxs qismində ifadə verən Akif Quliyev elan olunmuş ittiham üzrə özünü qismən təqsirli bilib. O, qeyd edib ki, Xırdalan şəhəri, 25-ci məhəllə, ev 1, 22 saylı mənzildə ailə üzvləri ilə birlikdə yaşayır.


Akif Quliyevin sözlərinə görə, Babək Əliyev onun əmisi nəvəsidir və onunla aralarında əvvəllər heç bir qərəzli münasibəti olmayıb: "2017-ci ilin oktyabr ayında mənə borca pul lazım olduğu üçün Babəkdən 10000 manat borca pul istədim. Həmin günlərdə Bakı şəhəri, Yasamal rayonu ərazisində 20 yanvar dairəsində Babək ilə görüşdüm, ondan 10000 manat pul aldım. Həmin vaxt Babəkə 3 ay müddətində borcunu qaytaracağımı dedim. Babəkin 5000 manat pulunu qaytarmışam, 5000 manat pulunu isə qaytarmağa imkanım olmadığına görə Babək ilə dəfələrlə danışdım. Hətta bu səbəbdən münasibətlərimiz pozuldu. Babəkin pulunu qaytara bilmədiyimə görə məndən şikayət etdi. Babəkdən onu işə düzəltmək adı ilə pul almamışam. Babəkdən 10000 manatı borc adı ilə almışam. 5000 manat pulu tez bir müddətdə qaytarmışam, qalan 5000 manatı isə bir qədər gec qaytarmışam. Hazırda Babək Əliyevə heç bir borcum qalmayıb”.


Cinayət işi üzrə zərərçəkmiş şəxs qismində ifadə verən Babək Əliyev qeyd edib ki, 2017-ci ilin oktyabr ayında Akif Quliyev adlı şəxs valideyinlərinin yaşadığı Tovuz rayonundakı evlərinə gedib və onların uzaq qohumu olduğunu deyərək, tanışlıq yaradıb: "Tanışlıq zamanı anama Akif yaxşı əlaqələri olduğunu və dövlət işinə adam qəbul etdirə biləcəyini deyib. Bu barədə anam mənə dedikdən sonra Akiflə görüşdüm. Görüş zamanı Akif mənə Dövlət Gömrük Komitəsinə təxminən 40000-50000 manata işə düzəldə biləcəyini, bu işlərə başlamaq üçün pul lazım olduğunu dedi”.


Babək Əliyev qeyd edib ki, 28 oktyabr 2017-ci il tarixdə Bakı şəhəri, 20 yanvar dairəsindən yuxarıda Alatava adlanan ərazidə 5000 manat pulu Akifə verib, bundan təxminən 10 gün sonra 2017-ci ilin noyabr ayının əvvəllərində Xırdalan şəhərində yerləşən "Qəbələ” yeməkxanasında Akifə 5000 manat pul verib: "Akif pulu aldıqdan sonra bir ay müddətində işə qəbul olunacağımı bildirdiş Lakin Akif məni hansı işə qəbul olunacağımı demədi. Akifin dediyi müddətin keçməsinə baxmayaraq onun mənə vəd verdiyi işə qəbul etdirə bilmədi. Akifdən pulum qaytarmasını tələb etdim. Akif 5000 manat pulumu qaytardı, qalan 5000 manat pulunu isə qaytarmadı. Sonradan Akif məndən gizləndiyi üçün onu tapa bilmədim. Akif Quliyev məndən aldığı pulu hansısa vəzifəli şəxsə verəcəyini demədi, pulu dövlətə hansısa hesaba köçürəcəyini dedi. Pulları Akif Quliyevə verəndə yanımızda heç kim olmayıb. Ancaq sonradan Akifə zəng edib və pulunu qaytarmasını tələb etdikdə yanımda tanışım Eyvazov Vasif Əliabbas oğlu olub. Vasif Eyvazova söhbət zamanı Akifin məni işə düzəltmək adı ilə aldadaraq 10000 manat pulunu aldığını, lakin məni işə düzəltmədiyini, həmin puldan 5000 manat pulunu qaytardığını, qalan 5000 manat pulun isə onda qaldığını dedim”.


Abşeron rayon Məhkəməsinin hökmü ilə Akif Quliyev 2 il müddətinə azadllığın məhdudlaşdırılmas cəzasına məhkm olunub.


Hökmdən narazı qalan Akif Quliyev apelyasiya şikayəti verib. O, barəsində olan hökmün ləğv olunmasını, ədalətli hökm çıxarıılmasını istəyib.


Akif Quliyevin şikayəti araşdırılması üçün Sumqayıt Apelyasiya Məhkəməsinə göndərilib. Hakim Elman Əhmədovun sədrliyi ilə baş tutan iclasda apelyasiya şikayətinin dəlilləri araşdırılıb, sonda qərar elan edilib.


Qərara görə, apelyasiya şikayəti qismən təmin edilib və Akif Quliyevin barəsində olan cəza 1 ilə endirilib.


7News.Az

BÖLMƏNİN DİGƏR XƏBƏRLƏRİ