RU
lombard
“Expressbank”dan uğur hekayəsi - Aztəminatlı ailədən biznes sahibliyinə aparan yol
11:52
528

“Expressbank”dan uğur hekayəsi - Aztəminatlı ailədən biznes sahibliyinə aparan yol

Prezident İlham Əliyevin əhalinin özünüməşğulluğunu təmin etməyə dair imzaladığı sərəncama əsasən bu günədək on minlərlə aztəminatlı ailə aktiv əməyə cəlb olunub, özünüməşğulluq fəaliyyəti ilə işsiz və işaxtaran şəxslərin ailə bizneslərini qurmalarına, əmək potensiallarının reallaşdırılması yolu ilə gəlirlərini artırmalarına, həmçinin kiçik və orta sahibkarlığın inkişafına yol açılıb. Amma xalqımızın sosial rifahının artırılması məsuliyyəti tək dövlətin deyil, hər birimizin üzərinə düşür.

Məhz buna görə də "Expressbank" ölkə başçısının həssas əhali qruplarının (əlilliyi olan şəxslərin, aztəminatlı ailələrin, şəhid ailələrinin, məcburi köçkünlərin və s.) özünüməşğulluğunun təşkili layihəsinə qoşulmaqla daha bir neçə ailəni arzusuna qovuşdurdu. Belə ki, Əmək və Əhalinin Sosial Müdafiəsi Nazirliyi, Mərkəzi Bank və Azərbaycan Banklar Assosiasiyası ilə "Expressbank"ın birgə layihəsi çərçivəsində bu günlərdə "Expressbank"ın Baş ofisində keçən görüşdə daha bir neçə şəxs aztəminatlı ailə kateqoriyasından yeni biznes sahiblərinə çevrildilər.

"Expressbank" bu şəxsləri nəinki arzuladıqları biznesi yaratmaq məqsədilə bütün avadanlıqlarla təmin etməyi, həm də onlara müvafiq bizneslərdə uğur qazanmaları üçün çoxillik təcrübəsini paylaşmaqla dəstək olmağı öz öhdəliyinə götürdü.

Bu gün bu insanların sevincini təsvir etmək, əlbəttə ki, çətin deyil. Bütün bu tədbirlər əhalinin iqtisadi fəaliyyətinin, ailə gəlirlərinin artmasına, əlavə iş yerlərinin yaranmasına, vergi ödəyənlərin çoxalmasına xidmət edəcək.

Qeyd edək ki, bundan öncə "Expressbank" yerli istehsala dəstək və ailə biznesinin inkişafı məqsədi ilə Azərbaycan Respublikası Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin (ASAN xidmət) nəzdində fəaliyyət göstərən ABAD  (Ailə Biznesinə Asan Dəstək) ilə birlikdə müxtəlif ailələrə istehsal məhsullarının daha geniş təbliğatı üçün dəstək göstərib.

Biznes və pərakəndə bankçılıq sahəsində geniş çeşiddə bank məhsulu və xidmətlər təklif edən "Expressbank"ın ölkə ərazisində 15 filialı mövcuddur. Bank haqqında ətraflı məlumatı 132 Məlumat Mərkəzinə zəng edərək, www.expressbank.az saytına və ya bankın sosial şəbəkələrdəki rəsmi səhifələrindən əldə edə bilərsiniz. <!-- /data/user/0/com.samsung.android.app.notes/files/clipdata/clipdata_200510_115136_558.sdoc -->

BÖLMƏNİN DİGƏR XƏBƏRLƏRİ