Kampaniya çərçivəsində AYAL və Azerbaijan–UK Alumni Association (AUKAA) ailəsinin nümayəndələri Daşkəsən rayonunun Qusçu kəndinə səfər edərək uşaqlarla görüşüblər.

Səfər zamanı uşaqlara müxtəlif hədiyyələr təqdim olunub, onlarla vaxt keçirilib və Ramazan bayramının sevincinin paylaşılması məqsədilə müxtəlif fəaliyyətlər həyata keçirilib.

Təşəbbüsün əsas məqsədi uşaqlara bayram abu-havası yaşatmaqla yanaşı, gənclərin könüllülük və sosial məsuliyyət fəaliyyətlərinə cəlb olunmasını təşviq etmək olub.

AYAL və AUKAA nümayəndələri belə təşəbbüslərin cəmiyyət daxilində həmrəylik, qarşılıqlı dəstək və icmaya qayğı dəyərlərinin gücləndirilməsində əhəmiyyətli rol oynadığını vurğulayıblar.

"Ramazan Joy” təşəbbüsü "Bir an belə qalmasın” ("Biganə qalma”) hərəkatının təşkilatçılığı ilə həyata keçirilib. AYAL və AUKAA kampaniyanın təşkilinə və həyata keçirilməsinə maliyyə, mənəvi və logistika baxımından dəstək göstərən tərəflərə təşəkkürünü bildirib.