İndoneziyanın Sulavesi adasında aşkar edilən torlu piton rəsmi olaraq dünyanın ən uzun ilanı kimi tanınıb.

Bu barədə Ginnesin Rekordlar Kitabının saytında məlumat verilib.

"Baronessa" adlandırılan ilan ötən ilin sonunda Maros dairəsində tapılıb. Başından quyruğunun ucuna qədər uzunluğu 7.22 metr, çəkisi isə 96.5 kq olub.

Hazırda "Baronessa" yerli təbiət müdafiəçisinin nəzarəti altındadır.