Bir müddət öncə əməkdar artist Elza Seyidcahan verilişlərin birində "Gəncləri korlayan Mətanətlər və Manaflar var" deyərək qalamaqala səbəb oldu.

7News.Az xəbər verir ki, Mətanət Əsədova məsələyə münasibətin bildirib. O, "Xəzər TV" də yayımlanan "Hər şey daxil" verilişində qonaq olarkən açıqlama verib:

"Mənim bu söhbətdən xəbərim yox idi. Telefonuma dayanmadan zəng gəlirdi, cavab verə bilmirdim. 3-4 gün əvvəl Elza xanıma zəng vurdum. Ümümiyyətlə hamı bilir ki, mən böyük- kiçik yerini bilən insanam. Hamının hörmətin saxlayıram, hamı da mənə hörmət etməlidir. Elza çox gözəl bəstəkardır, görün kimlərdən dərs alıb?! Yəni o, bu sözləri necə danışa bilər?! Zəng edib soruşdum ki, nə məsələdir? Mənə deyir ki, vay, səninlə danışıram bacım ağlayır. Soruşdum niyə? Deyir bacım deyir ki, Mətanət yaxşı qızdır. Mən istəyirəm ailəsi, uşağı olsun onun. Dedim, hə, sağolsun bacın. Sən niyə belə demisən? Mənə başlayır xasiyyətimi tərifləməyə. Mən heç nə deməmişəm deyir. Sənə mahnı verim konsertim olacaq oxuyarsan .Mən başa dümürəm, sən məni oğluna alacaqdın, gəlin edəcəkdin, neynirsən axı mənim xasiyyətimi?! Mən bu cür oxuyuram, mənim xasiyyətim pis ola bilməz. Elza olmur, kim olur olsun, heç kimə ixtiyar vermərəm ki, mənimlə artıq-əskik danışsın. Mən tərbiyəmi saxlayıram hər zaman. Kimin nə sözü varsa, efirdən kənar zəng etsin, danışsın. Efir dava yeri deyil".