Ötən həftə evində yıxılaraq xəstəxanaya yerləşdirilən aktyor-aparıcı Mehmet Ali Erbilin vəziyyəti ağırdır. Bu barədə şoumenin qızı Sezin Erbil instaqram səhifəsində məlumat yayıb. 

"Atamın vəziyyəti ağırdır, hələ də reanimasiyadadır. Xahiş edirəm, atam üçün dua edin” – deyə S. Erbil qeyd edib. 

Mehmet Alinin həkimi Jan Klod Kayukaise isə çıxılmaz vəziyyətdə olduqlarını bildirib: "Bu an dəqiq bir şey deyə bilmirik. Ağır bir vəziyyətlə qarşı-qarşıyayıq. Bu, Mehmet bəyin yıxılması ilə bağlı deyil. 16 ildir ki, "Capillary leak” sindromundan əziyyət çəkir”.

7News.Az