Son zamanlar sosial şəbəkələrdə QİÇS xəstəliyini yaymaq məqsədi ilə skamyalara qanlı iynənin batırılıması xəbərləri geniş yayılıb.

7News.Az xəbər verir ki, böyük müzakirələrə səbəb olan fotoların əslində Bakıda deyil, Belarusiyada çəkildiyi ortaya çıxıb. Məsələ ilə bağlı DİN- də açıqlama yayıb:

"Diqqət! Bu cür məlumatlara inanmayın! Son günlər "İnstagram” sosial şəbəkəsində və bəzi aztanınan saytlarda guya Abşeron rayonundakı parkların birində skamyaların kənarlarına içi və uc hissəsi qanlı şprits başlıqları bərkidilməsini əks etdirən fotolar tirajlanıb. Bununla əlaqədar aparılan araşdırmalar zamanı həmin fotonun Belorusiyada çəkildiyi və 5 gün öncə həmin ölkənin mətbuatında işıqlandırıldığı məlum olub"