Bakıdakı restoranlardan birində iki nəfərin mübahisəsi bıçaqlanma ilə nəticələnib.
Salyan yolu, 62 ünvanında yerləşən "Qurman” restoranında 1992-ci il təvəllüdlü Elvin Mirzəyev tanımadığı bir nəfərlə mübahisə edib.
Mübahisə əlbəyaxa davaya çevrilib. Bu zaman naməlum şəxs Elvin Mirzəyevə çoxsaylı bıçaq zərbələri vurub və hadisə yerindən qaçıb.
Yaralı ağır vəziyyətdə Kliniki Tibbi Mərkəzə yerləşdirilib. Ona tibbi yardım göstərilib, vəziyyətinin ağır olduğu bildirilir. Elvin Mirzəyevi dindirmək mümkün olmayıb. Bu səbəbdən hadisənin hansı səbəbdən və kimin törətdiyi məlum deyil.
Faktla bağlı cinayət işi başlanıb./publika
7news.Az
