Salyan rayonunda 34 yaşlı qadın ölüb.

7News.Az oxu.az-a istinadən xəbər verir ki, hadisə iyulun 6-da axşam saatlarında baş verib.

Rayonun Qarabağlı kənd sakini 1992-ci il təvəllüdlü Aygül Vəliyeva evində olarkən qan təzyiqi qəfil düşüb. O, dərhal xəstəxanaya çatdırılsa da, həyatını xilas etmək mümkün olmayıb. A.Vəliyeva xəstəxanada dünyasını dəyişib.

Faktla bağlı araşdırma aparılır.