Türkiyənin yaraşıqlı aktyorlarından Çağatay Ulusoyla sevgili olduğu deyilən Şeyma Subaşıyla bağlı aktyordan ilk açıqlama gəlib.

7News.Az Türkiyə KİVlərinə istinadən bildirir ki, o, sözləriylə od püskürüb. "Həm Acun, həm də Şeyma Subaşı mənim yaxın dostlarımdır. Məni Subaşıyla bundan başqa heç nə bağlamır. Bir neçə gündür davam edən çirkin böhtanların artıq dayandırılmasını istəyirəm."

Qeyd edək ki, Acun Ilıcalı və Şeyma Subaşının boşanma xəbərlərindən sonra hər kəs bu evliliyin xəyanət səbəbindən bitdiyini söyləyirdi. 

Xəyanət iddialarında isə Çağatay Ulusoyun adı çəkilirdi.

Xəyanət dedi-qodularıyla bağlı ilk açıqlama birinci Şeymadan gəlmişdi. Subaşı "Çağatay Ulusoyla yaxın dost olmağımı bütün dostlarım bilir. Çağatayın sevgilim kimi göstərilməsi isə son dərəcə çirkindir" deyərək iddiaları yalan olduğunu bildirmişdi.



Subaşıdan sonra isə Çağatay sosial şəbəkədə bu paylaşımı edərək söylənilən xəbərlərin yalan olduğunu təsdiqləyib.

Ülviyyə Mirzəyeva