Oktyabrın 28-də C.Abdullayev adına Elmi-Tədqiqat Kardiologiya İnstitutunun Reanimasiya şöbəsinə yerləşdirilən müğənni Səyyad Əlizadə evə buraxılıb.

Sənətçinin qızı da atasının səhhətində irəliləyişlər olduğunu deyib: "Ürəyində problemlər vardı, damar tutulmuşdu, indi artıq yaxşıdır. Bir də soyuqlamasına görə səhhəti pisləşmişdi. İndi atam ev şəraitində müalicəsini davam etdirir. Həkimlər dava-dərman yazıb, həm də nəzarət edirlər”.