Sosial şəbəkələrdə yol polisinin uniformasını geyinən şəxsin dayanacağa nəzarət etməsini əks etdirən fotolar yayılıb.
7News.Az-ın "Xəzər TV”yə istinadən məlumatına görə, fotolar Abşeron rayonu ərazisində çəkilib və sosial şəbəkələrdə paylaşılıb.
Sarı formanın arxasındakı YPX yazısını görənlər isə çaş-baş qalıb.
Mütəxəssislər bunun xoşagəlməz hal olduğunu bildirir. Lakin bu şəxs həmin formadan istifadə edərək gəlir əldə etmədiyindən onun cərimələnməsi mümkün deyil.
Polisdən verilən məlumata görə, artıq həmin forma o şəxsdən alınıb və müəyyən edilib ki, həmin şəxs psixi qüsurludur. Onun yol polisinin uniformasını necə əldə etməsi araşdırılır.
7News.Az
