Latviya Prezidenti Eqil Levits Ukrayna Prezidenti Volodimir Zelenskiyə Latviyanın ali hərbi mükafatı olan "Viestura” ordenini təqdim edib.
Bu barədə Ukrayna Prezidentinin saytında məlumat verilib.
"Bu gün (dünən – red.) Kiyevdə keçirilən görüşdə Latviya Prezidenti Ukrayna dövlətinin başçısına Latviya Respublikasının ali hərbi mükafatı – "Vyestura” ordenini təqdim edib”, - məlumatda deyilir.
Zelenskinin təltif olunması barədə qərar 2022-ci il martın 1-də Latviya Sərəncamlar Bölməsi tərəfindən "ölkəsinin qəhrəmancasına müdafiəsinə”, eləcə də "Avropanın təhlükəsizliyinin qorunmasına görə” qəbul edilib.
