Türkiyəli pop estradasının əfsanəsi müğənni Ajda Pekkan ona xəyanət edən biznesmen sevgilisi Bülent Çavuşoğlu ilə yenidən gündəmə gəlib.

Haberler.com məlumat verir ki, 53 yaşlı sevgilisi 75 yaşlı super stara xəyanət etdikdən sonra, müğənni ona "qapı açıq, çıx get!” demişdi.

Cütlük yenidən münasibətlərinə "ikinci bahar” şansı verib. Onlar ayrılandan sonra ilk dəfə Bodrumda kameralara tuş gəliblər.

Qeyd edək ki, müğənni doqquz il sevgili olduğu Bülent Çavuşoğlundan ayrılandan sonra, adı həmkarı Hakan Altunla eşq dedi-qodularına qarışmışdı.

Bülent Çavuşoğlu Ajda Pekkanla sevgili olduqdan sonra arvadı Tugçe Eylik məhkəməyə müraciət edib və 2014-cü ildə ondan boşanıb.