Azərbaycan və İordaniyanın ümumvətəndaş pasportu sahiblərinin qarşılıqlı olaraq viza tələbindən azad edilməsi nəzərdə tutulur.
Bununla bağlı sazişin təsdiq edilməsi haqqında qanun layihəsi Milli Məclisin payız sessiyasının ilk plenar iclasında müzakirəyə çıxarılıb.
Layihəyə əsasən, Azərbaycan Hökuməti ilə İordaniya Haşimilər Krallığı Hökuməti arasında ümumvətəndaş pasportu sahiblərinin viza tələbindən qarşılıqlı azad edilməsi haqqında saziş təsdiqlənəcək.
Məsələ səsə qoyularaq qəbul edilib.
