Səkkiz ölkədə saxlanılan və axtarışda olan ümumilikdə 76 nəfər Türkiyəyə ekstradisiya edilib. Onlardan biri Azərbaycanda tutulub.

7News.Az lent.az-a istinadən bildirir ki, bu barədə Türkiyənin Daxili İşlər Nazirliyi məlumat yayıb.

Bildirilib ki, Gürcüstanda 61, Yunanıstanda və Almaniyada hərəsində 4, Fransada və ABŞ-də hərəsində 2, Böyük Britaniya, Serbiya və Azərbaycanda isə hərəsində bir nəfər saxlanılıb.

Türkiyəyə ekstradisiya olunan şəxslərdən 29-u İnterpolun qırmızı bülleteni ilə beynəlxalq, 47-si isə ölkə səviyyəsində axtarışda olub.