Bakı Nəqliyyat Agentliyi (BNA), "Avto FM" radiosu və Bakı Şəhər Dövlət Yol Polisi İdarəsi 8 Mart Beynəlxalq Qadınlar Günü ilə əlaqədar paytaxtda aksiya keçirir.
Bu barədə 7News.Az-a BNA-dan bildirilib.
Bildirilir ki, aksiya zamanı şəhərin müxtəlif yerlərində qadın sürücülər saxlanılır və il ərzində inzibati xətası qeydə alınmamış, saxlanılmamış, barəsində inzibati tənbeh seçilməmiş şəxslər müəyyən edilərək onlar "Nümunəvi qadın sürücü" elan edilie, gül buketi, müxtəlif hədiyyə və kuponlarla mükafatlandırılır.
Aksiyaya bu gün saat 10:00-da "Avto FM"-in canlı efirində start verilib.
7News.Az
