Xəbər verdiyimiz kimi, Bakıda 2 yaşlı Anjelanın üzərinə benzin tökülüb. Nəticədə azyaşlı tanınmaz hala düşüb və əməliyyat üçün Türkiyəyə aparılıb.

7News.Az xəbər verir ki, 21 fevralda "Uşaqların xoşbəxt gələcəyi" qeyri-hökumət təşkilatının rəhbəri Nərgiz Babayevanın köməyilə İstanbula gətirilən Anjela 8 əməliyyat keçirib, 16 gün reanimasiyada qalıb.

O, 34 gün sonra xəstəxanadan çıxarılıb. Bu haqda Azərbaycanda səhiyyə turizmi sahəsində tanınmış ekspert Sənan Quliyev məlumat verib. O bildirib ki, Anjelanı bundan sonra estetik əməliyyatlar gözləyir.