Çinin şərqindəki Tszyansi əyalətində 1 nəfərin uşaq bağçasına silahlı hücumu nəticəsində 3 nəfər ölüb, 6 nəfər yaralanıb.

7News.Az xəbər verir ki, bu barədə hadisənin baş verdiyi Anfu bölgəsinin İctimai Təhlükəsizlik İdarəsi məlumat yayıb.

Hücum günün birinci yarısında özəl uşaq bağçalarından birində baş verib.

Onun motivləri haqqında məlumat yoxdur. Yalnız məlumdur ki, hücumu Lyu adlı 48 yaşlı yerli sakin həyata keçirib.

Hazırda hadisəni törədən şəxs axtarılır.