Rusiya ordusu gecə saatlarında Ukraynanın Çerniqov şəhərinə "Şahed” pilotsuz uçuş aparatları ilə kütləvi hücum həyata keçirib.
UNİAN-ın məlumatına görə, şəhərdə ciddi dağıntılar var. Eyni zamanda ölən və yaralananlar olduğu bildirilir.
Çerniqov Şəhər Hərbi Administrasiyasının rəhbəri Dmitri Brıjinskinin məlumatına görə, dronlarla kütləvi hücumun nəticəsində iki evdə yanğın baş verib və bir təhsil müəssisəsinə ziyan dəyib və 16 yaşlı yeniyetmənin öldüyü qeyd olunub. Dörd nəfər yaralanıb, onlardan üç qadındır biri kişi.
