Belə ki, mənbəyi və kimin tərəfindən yazıldığı məlum olmayan elanda valideyinlərə səslənilir, onların qız övladlarına nəzarət olunması xəbərdarlığı edilir. Hətta qeyd edilir ki, müəyyən yerlərdə gənc və azyaşlı qızlar oğlanlarla görüşür, onlara kirayə evlər verilir və s.
Məsələ ilə bağlı Bizimyol.info-ya danışan "Təmiz Dünya” Qadınlara Yardım İctimai Birliyinin sədri Mehriban Zeynalova deyib ki, bu kimi mənbəyi məlum olmayan elanların yayılması qadınların qısqanılmasına, selektiv abortların sayının artmasına gətirib çıxardır:
"Belə elanlar olur və bu zaman Daxili İşlər Nazirliyi buna diqqətlə yanaşır. Mətbuatda, sosial şəbəkədə yayımlanan məsələni isə dərhal nəzarətdə saxlayırlar. Lakin mən bu cür xəbərdarlıqlardan, elanlardan narahatam. Bu kimi elanlar qadınların qısqanılmasına gətirib çıxardır. Hətta deyərdim bu məqsədyönlü və düşünülmüş variantlardır.
Elə hadisələr olub ki, gənc qızları müəyyən yollara cəlb ediblər. Lakin bu vətəndaş bu əməli bilirsə və bunu gizlədirsə, demək ki, o vətəndaş da o əməldə iştirak edir. Belə olan təqdirdə qızlara qarşı qısnamanın yaranmasının şahidi olacağıq. Sonra selektiv abortlarının sayının artmasının şahidi olacağıq. Bu da qız uşaqlarının sayının azalması ilə nəticələnəcək, onların təhsildən yayınmasına gətirib çıxardacaq”.
Bizimyol.info-ya danışan Daxili İşlər Nazirliyinin mətbuat xidmətinin əməkdaşı İlham Babayev isə qeyd edib ki, məsələ araşdırıldıqdan sonra əlavə məlumat veriləcək.
