Səudiyyə Ərəbistanının dövlət neft və qaz şirkəti olan "Saudi Aramco”, Fars körfəzi sahilindəki Ras Tanura limanında neft yükləməsini və Hörmüz boğazı vasitəsilə karbohidrogen ixracını bərpa edib.

Bu barədə krallığın neft sənayesindəki mənbə məlumat verib.

"Səudiyyə Ərəbistanı Fars körfəzindəki terminalları və Hörmüz boğazı vasitəsilə xam neft ixracını bərpa edib. "Saudi Aramco”, Fars körfəzi sahilində yerləşən Ras Tanura limanında neft yükləmə əməliyyatları aparır", - mənbə bildirir.

Mənbənin sözlərinə görə, limanda əməliyyatların bərpasının dəqiq tarixi məlum deyil, lakin yükləmənin hazırda davam etdiyinə şübhə yoxdur.