Sankt-Peterburqun Kalinin rayonunda yerləşən qadınlara yardım mərkəzinin yaxınlığında 28 yaşlı azərbaycanlı Yaqub Süleymanov keçmiş sevgilisini amansızlıqla qətlə yetirib.

7News.Az Rusiya mətbuatına istinadən xəbər verir ki, hadisə 12 noyabrda baş verib.

27 yaşlı qadın müəssisənin açılmasını gözləyərkən qatil ona səkkiz bıçaq zərbəsi endirib və boğazını kəsib. Cinayəti törətdikdən sonra hadisə yerindən təxminən yarım kilometr uzaqlaşaraq "112" xidmətinə zəng vasitəsilə əməlini etiraf edib. Bir neçə dəqiqə sonra şübhəli şəxs hüquq-mühafizə orqanları tərəfindən saxlanılıb. Onun kimliyi müəyyənləşdirilib.

İlkin məlumatlara əsasən, saxlanılan şəxs əslən Azərbaycandan olan 28 yaşlı Rusiya vətəndaşıdır və Dağıstanda yaşayıb. Onun üç övladı var, ən kiçiyi isə öldürülən qadındandır. Mənbənin sözlərinə görə, şübhəli şəxs mütəmadi olaraq qadına şiddət göstərib.

Xəbərdə bildirilir ki, sentyabr ayında qadın ondan qaçaraq gizlənməyə başlayıb. Kişi isə onun itkin düşməsi barədə polisə müraciət etməklə yanaşı, özü də axtarışları davam etdirib. Onun əvvəllər məhkumluq həyatı yaşadığı da məlum olub./oxu