"Bizim bir kolleqamız buyurdu ki, Tibb Universitetinin diplomu Biləcəridən o tərəf tanınmır".

7News.Az xəbər verir ki, bunu CVN-ə müsahibəsində ATU-nun rektoru Gəray Gəraybəyli məşhur müəllim Rəşid Mahmudovun sözlərinə cavab olaraq bildirib.

Rektor bildirib ki, Rəşid Mahmudova hörmət edir: "Ancaq bir sualım var, bu gün birinci kursda 672 Azərbaycan vətəndaşı, 600-dən çox xarici vətəndaş bizim universitetdə oxuyur. Ümumiyyətlə 33 ölkənin vətəndaşı bizdə oxuyur. Əgər tanınmırıqsa xarici ölkə vətəndaşları niyə bizdə oxuyur?".