Xəbər verdiyimiz kimi, bir neçə gündür xalq artisti Tünzalə Ağayeva ilə müğənni Rəqsanə arasında qalmaqalar davam edir.

7News.Az xəbər verir ki, ifaçı Fransız yazıçısı Deni Didroya aid olan sözlər paylaşıb: "Xoş deyil kimsəni məzəmmət etmək,

Bilmədən, görmədən həqarət etmək. "Yaxşılıq" təqdirəlayiq hərəkət,

Minnətsiz olması böyük məharət!

Allah da gizlidir, əsl mərhəmət,

Əməl sahibinə verilən qiymət.

Yalnız yaxşılıq etmək kifayət deyil,

Yaxşılığı incəliklə etmək də vacibdir". Tünzalə daha sonra paylaşımına Rəqsanə ilə bağlı yazılan şərhlərə bəyəni işarəsi qoyub.

Xatırladaq ki, Rəqsanə həmkarını, o cümlədər Tünzalə Ağayevanı xalqa kömək etməməkdə günahlandırmışdı:

"Xalq artisti adını sizə niyə görə veriblər? Bu xalqın sevimlisi olduğuna görə. Xalq artisti adını alanlar, köməklik edin. Bu günlərdə həmrəy olun. Evdə oturub, şokolad mağazası açmaqla deyil. Əziz Tünzalə xanım, şokolad mağazası açmısan, halal xoşun olsun. Mən sənin sənətini də, özünü də çox istəyirəm. Müğənnilərin evlərinə şokolad paylayıb, reklam etməkdənsə, səni Xalq artisti adına layiq görən bu millətin evinə payla, qoy kiminsə balasının ağzı şirin olsun. Müğənni onsuz da hər gün şokolad yeyir, onların şokolada ehtiyacı var? Bağlatdır 10 qutu, göndər 10 nəfər yetimin evinə. Sizin onsuz da yetərincə reklamınız var".