Qaynarinfo-nun məlumatına görə, şirkət 2026-cı il ərzində tədarük ediləcək müxtəlif təyinatlı tikinti materiallarının satın alınması ilə bağlı keçirilən tenderin qalibi seçilib. Satın alınacaq mallara görə şirkətə 290 287,08 manat ödəniləcək. 

Lənkər Şəhər İcra Hakimiyyəti bu məbləğə dam örtüyü, sement, taxta çatı ayağı, taxta (dirək üçün), taxta (reyka) mişar daşı, emulsiya və binder almağı planlaşdırır. 

İqtisadiyyat Nazirliyi yanında Dövlət Vergi Xidmətinin reyestr məlumatlarına əsasən, "Smart Techno Services” MMC 2022-ci ildə qeydiyyata alınıb. Nizamnamə kapitalı 50 manatdır. Hüquqi ünvanı Abşeron rayonu, Məmmədli kəndi, ev 33, mənzil 44-də yerləşir. Şirkətin qanuni təmsilçisi Ramazanov Əli Adil oğludur. 

 

Açır mənbələrdə "Smart Techno Services” MMC haqqında əlavə məlumatlara rast gəlinmir. Əli Ramazanov barəsində hər hansı məlumat yoxdur. 

Araşdırmalarımıza əsasən, Lənkəran Şəhər İcra Hakimiyyətinə inşaat materialları satan "Smart Techno Services” MMC həm də keytrinq xidməti göstərir. 

Bir neçə il əvvəl şirkətlə Mədəniyyət Nazirliyinin tabeliyində fəaliyyət göstərən "Əsaslı Tikinti və Təchizat” MMC arasında hazır yeməklərin satın alınması ilə bağlı 126 496 manatlıq müqavilə imzalanıb. 

Ötən il isə Xaçmaz Rayon İcra Hakimiyyəti "Smart Techno Services” MMC ilə satınalma müqaviləsi bağlayıb. Müqavilədə rayon ərazisində il ərzində anım günləri, hüzn günləri, dövlət və peşə bayramları ilə əlaqədar keçiriləcək tədbirlərin təşkili nəzərdə tutulur. Tərəflər arasında oxşar müqavilə 2024-cü ildə də imzalanıb. 

Göründüyü kimi "Smart Techno Services” MMC həm müxtəlif tədbirlər təşkil edir, həm hazır yemək, həm də inşaat malları satır. Adına heç yerdə rast gəlinməyən, əlaqə nömrəsi və internet səhifəsi belə, olmayan bir şirkətin müxtəlif satınalma predmetləri üzrə sifarişlər alması müyyən suallar doğurur.