7News.az xəbər verir ki, Yəməndə Səudiyyə Ərəbistanının dəstəklədiyi hökumət qüvvələri ilə İranın dəstəklədiyi Husi üsyançıları arasında davam edən toqquşmalar fonunda, Bab əl-Məndəb boğazı yaxınlığındakı Zu Bab bölgəsində yerləşən ictimai bazara zərbə endirilib. İlkin məlumatlara görə ballistik raketdən istifadə edilməklə həyata keçirilən hücumdan sonra tərəflər bir-birini günahlandırıblar. Eyni zamanda, hücum anı yaxınlıqdakı təhlükəsizlik kameraları tərəfindən lentə alınıb.