Türkiyənin Antalya şəhərində qeyri-adi yol-nəqliyyat hadisəsi baş verib.
7News.Az Türkiyə mətbuatına istinadən xəbər verir ki, idarəetmədən çıxan avtomobil kafeyə daxil olaraq orada yemək yeyən cütlüyün olduğu masaya çırpılıb. Hadisə zamanı kafedə olanlar arasında böyük panika yaşanıb.
Qəza anı obyektin təhlükəsizlik kamerası tərəfindən qeydə alınıb. Görüntülər daha sonra sosial şəbəkələrdə paylaşılıb və qısa müddətdə geniş müzakirələrə səbəb olub.
Hadisənin təfərrüatları və xəsarət alanların olub-olmaması ilə bağlı məlumat verilməyib.
