Xalq artisti Aygün Kazımova ötən gün Musiqili Komediya Teatrında mərhum şairə Nurəngiz Günün 80 illiyinə həsr olunmuş yubiley mərasimində iştirak edib.
7News.Az qafqazinfo-ya istinadən xəbər verir ki, pop ulduz gecədə şairənin "Yol gedirəm" şeirinə bəstələnən mahnını ifa edib.
Kazımova tədbirə tanınmış dizayner Rüfət İsmayılın müəllifi olduğu geyimdə qatılıb. Səhnədə çıxış edən 47 yaşlı ifaçının çəki alması da diqqətdən yayınmayıb.
Son zamanlar fit görünüşü ilə gündəmdən düşməyən müğənninin qısa müddətdə çəkisinin artması hər kəsdə təəccüb yaradıb.
Xatırladaq ki, A.Kazımova bir müddət əvvəl arıq qalmasının sirrini açıqlamış, intensiv olaraq idmanla məşğul olduğunu, qidasına diqqət yetirdiyini bildirmişdi.
7News.Az
