"Hər şey daxil"də sosial şəbəkələrdə müğənni Damlaya aid olduğu idida edilən intim video haqqında danışılıb.

7News.Az xəbər verir ki, ifaçı Xatirə İslam da sözügedən video ilə bağlı fikirlərini bölüşüb. 

"Bütün dünyada məşhur vizajistlər həmin adamın eynisini yaradır. Yəni, oxşada bilərlər."

Daha sonra, aparıcı Tarix Əliyev (Tolik) də öz fikirlərini bildirib:

"İnternet dövrüdür. Onun oğlu böyüyür. O uşaq sabah intihar edə bilər, başqa yola əl ata bilər. Evdən qaçar, depresiyaya düşə bilər. Bunu etməyin məqsədi nədir axı? Belə baxanda bir xanımın bir bəylə görüşməyi normaldır."



Qeyd edək ki, Damla da qafqazinfo-ya açıqlama verərək videodakı xanımın o olmadığını qeyd edib:

"Mən nə edə bilərəm? Haqqımda yalan məlumatlar yayılıb. Bir, iki deyil, bu boyda telefonlardan, insanların əlindən həmin görüntüləri necə yığışdıra bilərəm? Mən deyiləm, burada nə günahım var? Başıma bu oyunu açanı Allaha həvalə edirəm. Oğlum da böyük uşaqdır, hər şeyi ona başa salmışam". 

Xatırladaq ki, Damlanın menecerinin yaydığı açıqlamadan sonra şou-biznes üzvləri də sənətçiyə dəstək olublar. Onlardan Natavan Həbibi, Elçin Cəfərov, Xatun Əliyeva, Emil Bədəlov, Türkan Vəlizadə, Vüsalə Əlizadə, Lamiyə Ələkbərova, Sevil - Sevinc Səfərova və başqaları sosial şəbəkədə videonu yayanları qınayıblar.