7NEWS.az xəbər verir ki, Çindəki alimlər gənələrdən insanlara keçən ALTNV adlı yeni bir virus aşkar ediblər. 3000-dən çox xəstənin müayinə olunduğu tədqiqat nəticəsində müəyyən edilib ki, bu virus qızdırma, kəskin halsızlıq, mədə-bağırsaq problemləri və trombosit səviyyəsinin aşağı düşməsinə səbəb ola bilər. Yalnız ALTNV daşıyıcısı olan bütün xəstələr sağalsa da, gənə vasitəsilə ötürülən digər bir virusa da yoluxmuş 38 xəstədən 7-si həyatını itirib.