7News.az verir ki, Aşıq Şəmşir Mədəniyyət ocağının təşkilatçılığı ilə Kəlbəcər rayonunun işğalının 24cü il dönümünə həsr olunmuş anım tədbiri keçirilmişdir.
Tədbirdə ziyalılar və Kəlbəcər ictimaiyyətinin nümayəndələri iştirak etmişdir.
Aşıq Şəmşir mədəniyyət ocağı ictimai birliyinin sədri Qənbər Qurbanov çıxış edərək bildirdiki hər il biz bu tarixi ağrı acı ilə qeyd edirik. Kəlbəcər Azərbaycanın ən qədim yaşayış məsgənlərindən biri və unikal təbiət möcüzəsi idi. Biz bu gün Kəlbəcərdən ayrı düşsək də doğma vətənimizi ruhumuzda canımızda yaşadırıq. Mənim bu günkü yeniyetmə və gənclərə bir tövsiyyəm odur ki, vətənpərvərlik ruhunda böyüsünlər. Vətəni sevsinlər tarix boyu ermənilərin xalqımızın başına gətirdikləri bu müsibətləri unutmasınlar. Bu gün dövlətimiz tərəfindən qaçqın və məcburi köçkün soydaşlarımıza lazımi diqqət və qayğı göstərir. Soydaşlarımız hər cür şəraitlə təmin olunmuş qəsəbələrdə məskunlaşıblar. Həmçinin onların sosial problemlərinin həlli daim dövlətin nəzarətindədir.
Tədbirdə Kəlbəcər rayon ziyalılarından professor Şahlar Əsgərov, Əlövsət Ağalarov , Adil Cəmil, İlham Məmmədli, Məhəmməd Nərimanoğlu, Mirvari xanım Verdiyeva Kəlbəcərlə bağlı xatirələrini bölüşdülər. Və o yerlərə qayıtmaq üçün bütün Kəlbəcərliləri birlik olmağa çağırdılar.
Tədbirdə "Aşıq Şəmşir” mədəniyyət ocağı ictimai birliyinin dəstəyi ilə Kəlbəcər rayonun fəal gənclərindən olan Rəşad Abdullayevin üç dildə hazırladığıwww.kalbajar.comsaytının təqdimatı oldu. Saytda Kəlbəcərin tarixi, mədəniyyəti,təbiəti, faydalı qazıntıları, şəhidləri və ziyalıları haqqında geniş və zəngin məlumtlar yerləşdirilib.
Aşıq Şəmşir mədəniyyət ocağı ictimai birliyinin layihələr üzrə rəhbəri Həqiqət xanım Şükürova çıxış edərək bildirdi ki, mədəniyyət ocağı Kəlbəcər rayon orta məktəbləri ilə sıx əlaqədə olaraq yeni tədbirlər hazırlayıb həyata kecirir. Məqsədimiz burda doğulub Kəlbəcəri görməyən yeniyetmə və gənclərə Kəlbəcəri təbliğ etmək və doğma torpaqlara qayıtmaq ruhunda böyütməkdir.
Kəlbəcərlilər inanırlar ki Azərbaycan silahlı qüvvələrinin Ali Baş komandanı möhtərəm prezidentimiz cənab İlham Əliyevin apardığı məqsədyönlü siyasəti nəticəsində öz doğma torpaqlarına qayıdacaqlar.