Aktrisa Nurgül Yeşilçayın aktyor Erkan Petekkayaya telefonda təhqiredici mesaj yazması səbəbiylə 3 aydan 2 ilə qədər həbslə cəzalandırılması istənilib.

7News.Az Türkiyə KİV-nə istinadən xəbər verir ki, Bakırköy prokuroru Ertuğrul Sariyar tərəfindən hazırlanan iddianamədə E. Petekkayanın şikayətçi olduğu bildirilib.

Yeşilçayın Erkana serial çəklişi zamanı etdiyi davranışlar səbəbiylə mesaj atdığı qeyd edilib:

“Mənə deyilən təhqirlərə cavab olaraq o sözlərdən istifadə etmişəm. Səviyyəsiz birinə ancaq belə cavab verə bilərdim. Özümü müdafiə etmək məcburiyyətində qaldım. Əslində təhqir edilən şəxs mənəm”.

İddianamədə Nurgül Yeşilçayın 3 aydan 2 ilə qədər həbs cəzasının verilməsi əks olunub.