Ukraynanın xalq artisti, Rusiyanın məşhur müğənnisi Ani Lorakla əri Murad Nalçacıoğlu rəsmi olaraq boşanıb.

7News.Az qafqazinfo-ya istinadən xəbər verir ki, iş adamı ilə sənətçinin məhkəmə iclası yanvarın 31-də baş tutub.

Kiyevin Şevçenko rayon Məhkəməsi 10 illik ailənin ayrılması barədə qərar verib. Yığıncaq qapalı keçirilib və 5 dəqiqə davam edib.

Görüşdə yalnız boşanma məsələsi müzakirə edilib. Cütlüyün 7 yaşlı qızı Sofiyanın valideynlik hüququ və əmlak bölünməsi məsələlərinin müzakirəsi isə növbəti prosesdə həll olunacaq.

Xatırladaq ki, hazırda Sofiya anası ilə Moskavada yaşayır. Cütlük xəyanətə görə yollarını ayırıb.