Xəbər verdiyimiz kimi sentyabrın 24-də Keçmiş Tələbə Qəbulu üzrə Dövlət Komissiyasının (TQDK) sabiq sədri, tanınmış alim, Xəzər Universitetinin departament rəhbəri Vurğun Əyyub vəfat edib. Vurğun Əyyubun ölüm xəbəri bir çoxlarını sarsıdıb.

7News.Az xəbər verir ki, jurnalist Aqşin Rafiqoğlu Vurğun Əyyubla son yazışmasını paylaşaraq bildirib ki, "Messenger"indəki o yaşıl işıq bir daha yanmayacaq:

"Çox təəssüf... İllər ötdükcə "messenger"də bir daha yanmayacaq yaşıl işıqların sayı artır. Və bunu bilə-bilə heç birini dostluqdan çıxara bilmirik. Dostluqdan çıxarmırıq. Allah rəhmət eləsin Sizə, gözəl insan. Qəbriniz nurla dolsun!".