7News.Az “Hürriyet” qəzetinə istinadən xəbər verir ki, ABŞ-da həbs edilən Rza Zərrab haqqında ittihamnaməni hazırlayan Nyu-Yorkun Cənub Dairə Prokurorluğunun baş müstəntiqi Prit Bharara ilə həmin qurumun sözçüsü Ceyms Marqolin iş adamının durumuna aydınlıq gətiriblər.

 

“Halen Miami” həbsxanasında saxlanılan R.Zərrabın 2 həftəyə qədər  avtobusla Nyu-Yorka köçürüləcəyini deyən  C.Marqolin maraqlı detala da toxunub.

 

Onun sözlərinə görə, R.Zərrabın aparılacağı avtobusda başqa həbsxanalara köçürülən məhbuslar da olacağından, iş adamını “maraqlı marşrut” gözləyir.

 

Yəni R.Zərrab digər məhbusların yerləşdiriləcəyi 4 həbsxananın hər birində ən azı 1 gün gecələməli olacaq.

 

Sözçü əlavə edib ki, R.Zərrab Nyu-Yorka çatdırılğında çox qısa müddətdə hakim qarşısına çıxarılacaq.