7News.az xəbər verir ki, ABŞ-ın Los-Anceles şəhərindəki bir orta məktəbdə iki şagird arasında baş verən davadan sonra dördüncü mərtəbədən yıxılan şagirdin ölümü ilə bağlı araşdırma başladılıb. Hadisədən əvvəl həmin iki şagird arasında sinif otağında baş verən mübahisəni, həmçinin şagirdlərdən birinin digərini dəhlizə qədər izləməsi və qısa müddət sonra dördüncü mərtəbədən yıxılması anını əks etdirən görüntülər üzə çıxıb. Polis ölümün qəsdən törədilmiş bir hərəkətin nəticəsi olduğunu göstərən heç bir sübutun olmadığını bildirib.