7NEWS.az xəbər verir ki, keçən aydan bəri ardıcıl raket sınaqları ilə Koreya yarımadasında və ətrafında təhlükəsizlik narahatlıqlarını artıran Şimali Koreyadan yeni bir silah sınağı gəldi. Cənubi Koreya ordusundan verilən açıqlamada Pxenyan rəhbərliyinin yerli vaxtla saat 10:48 radələrində Qanqvon əyalətinin Vonsan bölgəsindən Yapon dənizinə doğru yeni qısa mənzilli ballistik raket atdığı bildirilib. 47 kilometr yüksəklikdə 240 kilometr yol qət edən raketin səsin 4 qatı Mach 4 sürəti ilə uçduğu, Cənubi Koreya və ABŞ qüvvələrinin ətraflı araşdırmalarını davam etdirdiyi açıqlanıb. Yaponiya hökuməti də raket sınağını təsdiqləsə də, ilkin təsbitlərə görə raketin ölkənin müstəsna iqtisadi zonasından kənara düşdüyü hesab edildiyi açıqlanıb.
7NEWS.az
