Xəbər verdiyimiz kimi, qarmon ifaçısı, xalq artisti Aftandil İsrafilov mərhum klarnet ifaçısı Zahid Sabirabadlı haqqında "Narkotikdən rəhmətə gedənlərin yasına getmirəm" deyib.

7News.Az xəbər verir ki, onun bu fikirləri Xəzər TV-də yayımlanan "Hər şey daxil" evrilişində müzakirə olunub. Əməkdar artist Cavanşir Məmmədov efirə qoşularaq Zahidin narkotikdən dünyasını dəyişmədiyini söyləyib:

"Aftandil İsrafilov böyük sənətkardır, ağsaqqaldır. Gərək deməyəydi o sözü. Zahid heç kimin puluyla narkotik qəbul eləməyib, narkoman olmayıb. Zahidi o günə qoyanların Allah evini yıxsın. Zahid narkotikdən ölməyib. Onun ürəyi xəstə olub. Qurana and içirəm ki, bir həftə xəstəxanada yatıb. Sonra gediblər xaş yeməyə. Deyib ki, 5-10 dəqiqə uzanım, gedək toya uzanıb, yatıb durmayıb".