Finlandiya Prezidenti Aleksandr Stubb İspaniya Kralı VI Felipenin səfəri zamanı uğursuz zarafat etdikdən sonra çətin vəziyyətə düşüb.

Bu barədə "Ilta-Sanomat" qəzeti məlumat verib.

Qeyd olunur ki, kralın Finlandiya mədəniyyətinə həsr olunmuş çıxışından sonra prezident qonağına daha rahat bir şəkildə cavab vermək qərarına gəlib, lakin gözlənilmədən təqdim olunan qidanın keyfiyyəti barədə danışmağa başlayıb.

"Biz həm yaxşı, həm də pis yeməyi və həm də bunların arasındakı hər şeyi qiymətləndiririk. Mən səfərdə iştirak edən hər kəsə təşəkkür edirəm", - Stubb bildirib.

Qəzet yazır ki, prezidentin sözləri İspaniya nümayəndə heyətinə təqdim edilən yeməyin real keyfiyyəti ilə əlaqəli olmayıb. O, sadəcə, uğursuz zarafat edib. Stubbun replikası iştirakçıların gülüşünə səbəb olub.

Qeyd edək ki, Kral VI Felipe və kraliça Letisiya 6-7 oktyabr tarixlərində Finlandiyaya dövlət səfəri ediblər. Onlar Helsinki və Rovaniemi şəhərlərini ziyarət edib, rəsmi tədbirlərdə iştirak ediblər.