Son günlərdə həyat yoldaşı Elnurədən rəsmi qaydada boşanmadan Samirə adlı vizajistlə yenidən evlənməyə hazırlaşan prodüser Anar Mədətov sosial şəbəkədə yeni foto paylaşıb.

7News.Az xəbər verir ki, prodüser əlində qədəhlə şəklini paylaşaraq "Məni sevməyənlərin şərəfinə" sözlərini qeyd edib. Onun bu addımı keçmiş həyat yoldaşından boşanmasına qədəh qaldırması təəssüratı oyadıb.

Qeyd edək ki, Anar Mədədovun boşanma xəbərləri bir neçə gündür mətbuatda və sosial şəbəkələrdə müzakirə olunmağa davam edir. Onun evlilik yolunda irəliləməsi övladlarının da sərt reaksiyasına səbəb olub. Məşhurun "Qarabağ" futbol klubunda oynayan oğlu Mahir Mədətov atasının soyadından imtina edərək, Əmrəli soyadı ilə meydanlara çıxacaq.