Koronavirusa yoluxan biznes ledi Ruhi Əliyeva "İnstagram" səhifəsində izləyicilərinə müraciət edib.

O insanları daha diqqətli olmağa səsləyib:

"Hər vaxtınız xeyir, əzizlərim. Ümid edirəm hər biriniz yaxşısınız.Hazırda ölkəmiz və bütün dünya "COVID-19" virusuyla mübarizə aparır. Təəssüf ki, son zamanlar Azərbaycanda da bu virusa yoluxanların sayında kəskin artım müşahidə olunur. Bütün deyilən qaydalara bacardığım qədər riayət etsəm də təəssüf ki, mən də koronavirusa yoluxdum. Çox şükür, indi daha yaxşıyam, müalicəm ev şəraitində davam edir. Baxın, əzizlərim, qızdırma,sümük ağrıları, halsızlıq kimi simptomlar olduğu təqdirdə həkimə gedərək test vermək, müalicələrə başlamaq və məsuliyyətli olmaq mütləqdir. Bəzən xəbərlərdə oxuyuram, koronavirus xəstələri yaşayış yerlərini tərk edərək, başqalarının həyatını da təhlükəyə atırlar. Belə olmaz. Kimsə bu xəstəliyi yüngül keçirirsə, başqası ağır keçirdə bilər. Özümüzü fikirləşdiyimiz qədər ətrafımızdakıları da düşünməliyik. Vitaminlərdən, immunitet gücləndirən dərmanlardan, maskadan istifadə mütləqdir. Allah hərkəsin köməyi olsun. Bütün xəstələrə şəfalar diləyirəm. Arzu edirəm bu bəla tezliklə başımızdan sovrular. Özünüzü qoruyun"/big

7News.Az