Əməkdar artist Abbas Bağırov səyahət zamanı başına gələn maraqlı hadisədən danışıb. 

7News.Az-ın məlumatına görə, sənətçi "Söhbət var" proqramında deyib ki, İtaliyada oğruların qurbanı olub:

"Roma şəhərində Ənvər Sadıqovla konsertə getmişdik. Başqa şəhərə getmək üçün qatara minəcəkdik. Şirniyyat mağazası gördüm, istədim alım. Çantamı qoydum, içində pasport, pullarım, 2 telefonum, avtomobilimin açarı, bir sözlə hər şeyim içində. Döndüm şirniyyatın pulunu verməyə, bir neçə saniyə içində çantamı götürdülər. Şoka düşdüm, ora-bura qaçdım. Ənvərə deyirəm, səndədir sumka? Hara qaçdım, heç kim yoxdur. 

Getdim polisə, qayıtdı ki, mənə nə? Deyirəm ki, kamera başımın üstündədir, baxa bilərsiniz. Dedilər, günlər alacaq. Heç bir köməklik etmədilər. 3 minə yaxın pulum getdi".